Kymco Activ 125

O luns pasado fun recoller a miña moto a Z-Center que como sabedes é unha Kymco Activ 125. Laura e Miguel viñeron comigo, a unha por probar o casco e o outro para participar no acontecemento histórico. Carallo como soaba o aparello ao prendelo, nada que ver co son de abella que teñen os scooters. Case me espeto ao saír do concesionario fola forza que a filla de puta ten coa primeira marcha, pero hai que afacerse a ela. A verdade é que xa lle vou collendo o truco ao tema das marchas, que ao principio me estaba a custar, pero que arestora xa me vai mellor.

Xa levo dous días a ir á EOI nela e a comprobar as vantaxes de atopar sempre sitios cómodos para aparcar, pero a verdadeira proba foi ir onte ao centro e aparcar no mesmiño Obelisco. Hoxe tamén o poderei comprobar ao ir ao fútbol, precisamente Depor-R. Madrid.

O carallo foi ao probala con Miguel, que se decatou de que non lle funcionaba ben o indicador do nivel de gasolina, polo que fun dereito ao concesionario para que o parvo do mecánico me pedise a peza e agardar até mañá a que estea aquí e colocarlla. Polo resto, non teño ningunha queixa, que vai como un tiro!