A miña moto

Pois xa antes de chegar tiña ganas de mercar unha moto nova e ao falar con Miguel comentoume que a mellor opción era mercar unha de 125 en vez dunha de 50 polas seguintes vantaxes:

• É un motor de 4 tempos


• Consume menos


• Menos problemas


• Ten dúas prazas legais, co que podo levar a Laura legalmente


• Andan máis


• Non son moito máis caras cás de 50

E despois mirar algunha Daelim que andaba polos 2000€, Miguel comentoume a posibilidade da Kymco Activ 125, que era bastante barata, aínda que tiña marchas, que non me fai moita graza, pero que terei que aturar por mor do baixo prezo. En principio eran 1399€ máis matriculación, pero viña con seguro gratis (pagado polo fabricante) o primeiro ano, así que non había dúbida.

Despois de varias negociacións con AC Medin e Z Center conseguín que os de AC Medín non puidesen mellorar a oferta de Z Center, así que os elixidos foron estes últimos.

O que fixen foi deixar falar ao fulano de Z Center que xa de primeiras me rebaixou a matriculación e me daba un casco de agasallo. Neste intre tiña a moto por 1399€, así que lle dixen que me daban o mesmo en AC Medín e que eles me regalaban a maleta para atrás, que a mercaba alí. Así que fulano pensouno e díxome que OK

Os de AC Medín dixéronme simplemente que non podían igualar a oferta e que se ma daban tan barata era porque se querían desfacer dela, porque non a darían vendido e que tivese moito coidado co mecánico arxentino que tiñan en Z Center, que era fatal e que non tiña problema en facer as revisións con eles e que a garantía tamén me valía con eles, así que seguramente lle farei as revisións en AC Medín tras "constatar" a "arxentinidade" do mecánico da competencia.

O que conseguín á fin foi o seguinte.

• Kymco Activ 125


• Por 1399€


• Matriculación gratis


• Seguro por 265€ e gratis o primeiro ano


• Casco para Laura


• Maleta traseira

A moto, a verdade é fea como pegar a un pai, pero é barata, consume pouco e podo levar a Laura, así que meta conseguida. Chamei hoxe e danma o luns (Miguel, xa quedaremos para ir recollela), que hoxe marcho a Marín e por suposto, xa está paga.